Penjurai Apaienduq

Seminar Getah DCCI-RISDA di Kanowit

noreply@blogger.com (Apaienduq) — Fri, 11 May 2012 04:15:00 +0000

Tu sekeda berita ti laun di ayan ba Penjurai setegal kelalu balat kiruh ke ulu ke ili nitihka singkang bala kaban belayan ti begiga ka kasam enggau salai nyediaka bekal kena Gawai ila. Taja pan nurun belama tang nadai ga bulih hasil ti umbas dikasam enggau di salai - lebu ukai enda lebu tang nya siti ari chara kitai nyediaka pengidup diri dulu meh nya....enda tau lalu putus asa !!!

Pulai ngagai berita ti deka di ayan sekali tu, ngenatai ka pengaga ati sereta terima kasih ngagai DCCI laban ti udah ngatur Seminar pasal betanam ka getah ngagai bala di Kanowit kena 3/3/2012 tu tadi. Nasib ga bisi peluang mansa lalu ngetu ba Dewan Masyarakat Kanowit lalu sama enggau ngulu seminar nya.

Enda kurang ari 500 bala ari pelilih Kanowit bisi datai ngulu seminar pagi nya ti alai peluang mending ka sekeda penerang betanam getah ari opis RISDA, Opis Betanam enggau ari Opis Komiti Lada. Mayuh amat ga penerang ti amat beguna ari sida pegawai ti mantai ka sekeda Kertas Kerja, ti nyadika lalau bala kitai di rumah panjai di kena ngangkat ka ekonomi ari hasil betanam betupi.

YB Datuk Aaron Ago Dagang bejadi Seminar

Komiti pengatur pengawa betuaika En. Terence Temenggong Jayang, Executive Secretary DCCI

Dr. Tan Seliong ngenatai ka tanda pengingat ngagai pegawai ari FAMA

Dr Joseph Jawa, En. Ambrose Jarat begulai enggau bala mayuh makai tengahari

Sekeda bala ari Machan

Sekeda bala ari Jagau

En. Wilson Nyambong nerima tanda pengingat ari En. Ambrose Jarat

TR Bantan ari Machan betanya ka pasal tapak nanam getah

Enda kurang ari 500 ngulu Seminar DCCI-RISDA

Sekeda bala ti sama ninga ka seminar DCCI-RISDA

cda

Aum Besai /TGM SDNU ti ke 33 (Part 5) - Berita Ayan ari Press

noreply@blogger.com (Apaienduq) — Thu, 19 Apr 2012 02:31:00 +0000

Sekeda berita ti kena pansa dalam sebulan tu tadi ti bekaul enggau pengawa sida dalam SDNU. Tuju ngayanka berita ditu, awak ka bisi dikunsi bala kitai mayuh.

Sekeda berita deka di tambah baru sebarang maya enti bisi tepansa pagila lusa.

1. Berita sebedau Aum Besai SDNU

Berita ti ayan mula ba Borneo Post 2/4/2012

2. Berita Makai Serumpu (Unity Dinner) sebedau Aum Besai SDNU

Penatai bala VIPs dialu ngena kajat

Penatai bala VIP disambut ngena kajat Iban

3. Berita Aum Besai SDNU

Berita ayan ba Borneo Post 8/4/2012

Berita ayan ba Utusan Borneo kena 8/4/2012

Berita ti ayan ba Borneo Post kena 8/4/2012

cda

Aum Besai/TGM SDNU ti ke 33 (Part 4) - Unity Dinner

noreply@blogger.com (Apaienduq) — Mon, 16 Apr 2012 06:00:00 +0000

Secretariat SDNU mega madah ka makai malam sekali tu di gulu enda kurang ari 410 kaban sereta bala ti nyukung SDNU. Pemayuh nya beduduk ari meja ti dijual 41 buah ngagai semua pampang SDNU sereta bala kaban ti bukai.

Pengerami malam nya, kelimpah ari ti belagu ngena bandboy, bala mayuh mega terperindang amat meda bala nembiak ari SMK Jalan Arang ngayan ka sekeda main asal bansa Dayak - Iban, Bidayuh enggau Orang Ulu. Ngenatai ka terima kasih meh ngagai Cikgu Seriah Semana laban ti ngenatai/ngemeran ka main asal Dayak ba sekula ti semina 15 % nembiak Dayak.

Ayos ngajat

Raban SDNU Sarikai

Tan Sri William Mawan begulai enggau raban SDNU Demak Laut

Raban SDNU Demak Laut

Penari SMK Jln Arang begulai enggau Tan Sri William Mawan

YB Datuk Alexander Linggi begulai enggau raban SDNU Pakan

YB Datuk Alex Linggi begulai enggau raban SDNU Kanowit

YB Datuk Alex begulai enggau raban SDNU Machan Cikgu Simon Kuek, Cikgu Kok sereta TR Bantan

YB Datuk Alex Linggi enggau raban SDNU Stutong/Stampin/BDC

Anak Keling sedia deka ngajat - ngarau ngaga bungai terung

**Note: Gambar agi di ayan ba Part 5

cda

Aum Besai/TGM SDNU ti ke 33 (Part 3) - Unity Dinner

noreply@blogger.com (Apaienduq) — Sun, 15 Apr 2012 15:18:00 +0000

Berita manah ke sekali tu ari Secretariat SDNU, madah ka makai malam sekali tu meh ti terubah semua pampang SDNU ti nganjung delegates enggau observers, sampal makai begelumu ba siti endur.

Ba aum ti dulu ari tu, 2009 pan makai malam bisi di atur tang sekeda pampang enda datai taja pan sida datai ngulu Aum Besai. Dalam Aum Besai 2007 suba, balat amat ga makai malam nyau dua iti endur, mantai ka SDNU maya nya balat amat pechah belah pambar pepar laban sida ti amu deka nyadi tuai nya alai sida iya sanggup ngatur makai gelumu ba endur bukai, lalu ngujung ka gelumu ti di atur Secretariat mayuh meja puang. Meja puang sampai ka sehari tu pan enda dibayar orang ti madah ka diri SPONSOR pampang tu pampang nya.

Taun tu semua penemu pampang SDNU udah majak mereti ngena siti runding "segulai, sejalai & sepenemu".

GOH Tan Sri William Mawan di apit YB Datuk Alexander Linggi seduai En. Mengga Mikui Presiden SDNU

President SDNU En. Mengga Mikui

Pengerusi Pengatur Pengawa (OC) Makai Malam & TGM ti ke 33 kenyau ari taun 1956

Mr. William Baja, Mr. Chambai Lindong, Father, Mr. Steven Rom & Mr. Augustine Merikan

SDNU Stutong/Stampin/BDC - Mr. Christopher Gira, Dr. Gluma Saban sereta Mr. Albert Angi

Mmr. Robin Jimbai & family members

SDNU/SIDS Sarikai

Raban SDNU Julau - Mr. Donald Latit

Raban SDNU/SIDS Sibu

Ayos enselit poco-poco

Mdm. Noelle sereta raban SDGA

**Note: Gambar agi di ayan ba Part 4

cda

Aum Besai /TGM SDNU ti ke 33 (Part 2)

noreply@blogger.com (Apaienduq) — Thu, 12 Apr 2012 04:13:00 +0000

Berita TGM SDNU, dalam sekeda gambar ti kena kachit.

Datuk Permanent Chairman - Mr. William Baja Jap udah nganti bala delegates & observers masuk ngagai dewan

Sebedau TGM - En. Augustine Merikan, En. Chambai Lindong, En. Anthony Banyan & En. Donald Latit

Bekas Exco nganti pengawa bepilih tembu

Bala observers ari SIDS

Bala delegates ari Sibu

Indai Cha sereta raban delegates SIDS

Apai Louis seduai Ckigu Serang, peda keretas undi enggai ka rosak, pia ko Deputy Chairman SDNU Sibu En. Jawie Anom

Undi hak bala delegates ari pampang, pia ko En. John Pillai, Chairman SDNU pampang Taman Boarder Built

Undi rahsia - tang anang ngemendar nya nungga dinding, kaban !!!

Datin Senorita Linang nguluka sekeda delegates SIDS ari Kuching

Bala delegates ari SDNU Pakan & Sibu

YB Datuk Alexander Linggi, En. Stephen Dass & En. Chambai Lindong

Dr. John Brian seduai En. Augustine Merikan belelak sebedau masuk dewan

cda

Aum Besai /TGM SDNU ti ke 33 (Part 1)

noreply@blogger.com (Apaienduq) — Wed, 11 Apr 2012 04:38:00 +0000

Kena 7/4/2012, sekali agi SDNU ngatur pengawa bepilih besai ba TGM ti ke 33 kali kenyau ari taun 1956. Semua 19 pampang SDNU ti agi aktif ngenatai ka diri, nganjung enda kurang ari 216 bala delegates enggau observers.

Endang baka selama, maya ti bepilihnya meh alai sekeda kaban komiti lama tau nyurut ka diri enti ngasai ka diri nyau kelalu kiruh pengawa bukai, ngujung ka nadai awak ngatur pengawa dalam SDNU.

TGM tu mega mantaika peluang bala kaban ti deka mantu ngatur pengawa/aktiviti/pemansang ka SDNU pan dibuka ngagai bala delegates, semua kaban nadai disekat minta pilih. Asai-asai diri empu sanggup ngereja pengawa volunteer, ukai pandai bejaku aja, anang kitai disema "baka kepayang ngada ka dilah aja" Kelimpah ari nya, SDNU semina ulih majak pegari enti bala Exco sama besaup, sama besukung, sama penemu, sama serunding enggau sama "anang belak-lak" / "anak beawak-awak".

Ngagai bala Exco SDNU ti baru, pengarap bala kaban ngagai kita chukup amat mayuh sereta besai, nya alai atur meh pengawa nitih ka juluk SDNU, bepelasarka sekeda pekara ti udah dipunka Exco SDNU ke dulu-dulu lebih agi Exco 2010-2012, awak ka langgur/plan SDNU semampai betampung/continuity.

Bala Exco baru mega tentu beterima kasih ngagai Exco lama ti betuaika En. Mengga Mikui laban sida iya udah bendar amat ngaturka pelasar/action plan SDNU dalam taun 2007-2009 suba.

YB Tan Sri William Mawan President SDNU ti baru diapit Sapit President YB Datuk Alex Linggi sereta raban Komiti bukai, begambar pengudah bepilih

YB Tan Sri William Mawan ngenatai ka tanda pengingat ngagai President SDNU ti lama, En. Mengga Mikui

Semua Exco baru SDNU ngelinggi President nyaut sekeda tanya ari bala reporters

YB Tan Sri William Mawan, President SDNU benung berandau enggau En. Thomas Tegong ari Waifm

Sekeda bala kaban SDNU

Sekeda ari Komiti Besai SDNU betuai ka President En. Mengga Mikui benung ba Aum Besai

Sekeda bala delegates

aab

AGM begulai 3 Pampang SDNU

noreply@blogger.com (Apaienduq) — Thu, 15 Mar 2012 04:34:00 +0000

1. Aum Ninting Taun Pampang SDNU Taman Boarder Built, Kpg Semerah Padi enggau RPR Demak Laut kena 4/3/2012

Ngenataika pengaga ati ngagai 3 iti pampang SDNU, Pampang Taman Border Built betuaika En. John Pillai Rujis, Pampang Semerah Padi betuaika TR Nili enggau Pampang RPR Demak Laut betuaika En. Entinggi Utau.

Pampang SDNU tu meh ti ngaga REKOD terubah begulai ngatur Aum Ninting Taun (AGM). Kenyau ari SDNU udah ditumbuh dalam taun 1956 asai-asai nadai kala udah ninga dua tauka tiga pampang ngatur aum begulai.

Aum begulai tu dipeda kitai, mandangka sida tu seiti ati ngereja pengawa nitihka juluk penumbuh SDNU, lalu patut amat ditunda sekeda pampang bukai ti semak ari pangan diri.

Aumnya kemari, udah dipenyadi Yang Berhormat Datuk Alex Nanta ti nyadi Kaban Parliament Kapit, ngarika Yang Berhormat Tan Sri William Mawan Menteri Pembangunan Sosial Sarawak.

Maya ti bejadi aum nya, iya ngelalau semua pampang SDNU patut amat begulai ngatur pengawa lalu nangka ulih anang bepambak ngatur pengawa ti sebaka. Iya mega madahka diri enda sanggu sereta belampung ati mantu SDNU ngatur sebarang pengawa/program ti tau ngangkatka pendiau pengidup bala kitai Dayak ba nengeri enggau di menua pesisir.

Iya mega meri puji ngagai SDNU laban ti "proaktif" ngaduka pengawa sereta besaup besadungka penemu ti manah ngagai bansa Dayak dikena ngangkat ka pendiau pengidup sereta maju nitihka singkang pemansang dunya diatu.

Iya mega meri puji ngagai SDNU laban ti sama meri penemu/cadangan ngagai Komiti Pemansik Pengatur Pengawa Bepilih bulan January tu kemari. Penemu/cadangan SDNU deka dipansik sereta diperundingka, awakka nyadi seiti ari lalau bepililh jemah ila.

Maya ti bejadi aum nya, YB Datuk Alex Nanta mega bisi mantu RM1,500.00 kena nambahka belanja ti diberi Tan Sri William Mawan RM3,000.00 dikena ngatur aum seharinya.

Asai sepi aku, 3 iti pampang nya tentu chukup beterima kasih amat ngagai Yang Berhormat Tan Sri William Mawan sereta Yang Berhormat Datuk Alex Nanta laban seduai nadai bebagi ati ngiruh diri begulai enggau kaban SDNU, lebih agi kaban ari 2 iti pampang, Semerah Padi enggau Demak Laut ti baru di rejista tengan taun 2011 nyin kemari.

Pangkung tawak kena nanda ka aum ninting taun 3 iti pampang SDNU di penyadi

YB Datuk Alex Nanta ngenataika jaku sereta bejadika Aum Taun 3 iti pampang SDNU

En. John Pillai ti nyadi Chairman pengatur Aum ninting taun 3 iti Pampang SDNU

Penatai YB Datuk Alex Nanta disambut Bala Chairman Pampang SDNU

Bala VIPs pagi nya, Chairman SDNU pampang RPR Demak Laut En. Entinggi Utau, Chairman SDNU pampang Taman Boulder Built En. John Pillai, YB Datuk Alex Nanta, Vice President I SDNU En. Anthony Banyan enggau Chairman SDNU Kpg Semerah Padi TR Nilli

Datai sama mega seiku lawyer Iban, En. Kilat Briak, Sekreteri Politik ti baru En. Maurice Giri sereta Chairman SADIA Pampang Kuching Datuk Dr. Anthony Nait

En. Spencer Birai nerangka sekeda pekara ngagai Komiti sereta kaban SDNU pampang Semerah Padi

Bala Komiti SDNU pampang RPR Demak Laut

En. Edmund Renggie seduai En.Jonthy Jantau kaban SDNU pampang Taman Boarder Built

Berita ti ayan dalam Borneo Post 6/3/2012

2. Nemuai ngagai Menteri Pemansang Sosial Sarawak kena 1.3.2012

Tuju penemuai nya laban deka ngenataika surat ngangauka Tan Sri William Mawan bejadi ka Aum Besai ninting taun 3 iti pampang nya ti deka di atur serentak kena 4/3/2012.

Tu meh terubah iya aum serentak 3 iti pampang SDNU kenyau ari SDNU ti udah ditumbuh dalam 1956.

Bala kaban pengatur aum ninting taun (AGM) dibantu En. Anthony Banyan, En. Spencer Birai sereta En. Narang Ringkai ngenataika surat kangau ngagai Tan Sri William Mawan kena 1/3/2012

cda

Rumah Panjai Ng Pek - Alai Ayos Mandi sampai Puas

noreply@blogger.com (Apaienduq) — Sun, 11 Mar 2012 08:16:00 +0000

Tengan Bulan dua tu kemari, kira chukup 8 bulan Enduq di Sibu ngabiska sekeda pengawa practical ba Hospital Sibu.

Dua minggu udah pemisi, tinduk jenak, nibi (meda TV) pan mendarnya laban ti ka di kena iya mansi belabuh ari 12/3/2012 pagila iya madah buntau baru, ni enda makai nunga bup, tinduk bepanggalka bup. Enti enda pia, tentu ga iya enda ulih masuk dalam kumpulan bala manang jemah ila. Di Sibu tu tadi pan bisi sekeda bala sida kena ju ke tisi, kira pil (fail) ba 3rd year meh nya.

Sampal kami menyanak ke Sibu serayaka nguluka sida nemuai ngabas bala Ini , Ibu & Aya di Sibu. Pemulai ke Kuching meh ti ngetu enda lama ti Ng Pek Ulu Rimbas.

Rumah Panjai Ng Pek udah direrak ruai 19.2.2012

Rumah panjai Ng Pek peda ari tapak rumah panjai baru ti udah di sungkur

Ruai ti baru dibabak

Nemuai mansa Ng Pek, lebuh pemulai ari Sibu

Temuai tusah ati nadai ruai baka selama alai duduk

Sekeda tanah bukit tisi rumah dikena nampal tapak rumah baru ti baruh

Tapak rumah baru di peda ari rumah asal

Mandi sungai di Ng Pek 25.1.2012

Pantang amat enda terus ke sungai pama datai di rumah panjai. Semampai belaya pama kita ludah nitih ka peminta, nya sekda pekara ti nyadi 3 tau ka 4 taun nyin suba.

Diatu enda ga sampaika belaya, tang enda tau enda ulih di kinsit ka ngena leka jaku "lagi meh". Gambar tu laun di post tajapan udah lama di simpan. Udah ka enda sayau ga enti berita tu enda di kunsi enggau bala "kawan" Ayos ti sama dalam gambar nya.

Ujang seduai Ayos nguji belanda niki bukit pemulai ari Ng Pek

Rumah panjai NG Pek ti udah dibabak tanju enggau ruai laban ti deka nambahka sungkur alai berumah baru

Ayos semampai ingat mandi ba ai sungai, nya meh iya selalu amat mai pulai ke rumah panjai

Bemain ba pala rantau sigi enda tau enda laban betusun ka batu ngaga "waterfall"

Ai sungai bisi keruh mimit laban udah ujan malam tadi

Ujjang & Ayos seduai cousin Bibimit & Emil (Emily)

cda

Kebak Embang Jinak Amat

noreply@blogger.com (Apaienduq) — Wed, 07 Mar 2012 14:07:00 +0000

Limpang enda lama, rindu ngayan ka utai ti nyadi. Seiku kebak embang terebai lalu inggap ba dada maya ti ngetu ba seiti kedai tungga Jalai Batu Kawa.

Asai sepi aku, nemu sagam ati, kebuah kebak embang inggap lalu lekat ba baju.....asa-asa, chak amat iya, kumbai iya bungai besai laban kala/churak baju ti dikena pangan.....merah / kuning baka churak bungai.rafflessia kini kenu ko iya!!!!

Pekara nya nyadi tak kengka ka pangan diri ngena T-Shirt, engka laban agi bau amoiiii kini nya, jarang amat ga tudah kaban ngena T-Shirt maya jam nya, engka tak nya meh ti ngasuh kebak embang nyau rabun mata enda ngelala bungai bejalai enggau baju anak mensia.

Kebak embang !!!!

Kebak embang amat, semak !!!!

aab

Peku & Kepin Getah

noreply@blogger.com (Apaienduq) — Mon, 05 Mar 2012 00:31:00 +0000

Tu sekeda pekara enggau berita ti nyadi, maya ti rembus ke rumah panjai, Ng Pek Ulu Rimbas maya "Ngintu Antu Pala" kena 25/1/2012 tu tadi.

Ayos seduai Ujang terubah iya bayam kepin enggau skrap getah kandang 4 taun tu. Dulu ari nya kala ga seduai bepeda ka keping getah tang maya nya engka nadai pansut anak runding nama utai nya. Sekali tu seduai udah nemu utai, nyau mayuh utai tanya tuju guna getah kelimpah ari deka nemu baka ni ngulih ka getah.

Munyi ko Bunyau seduai Mujap, agi kelia rebak aku tu, endang bebalai ngena kepin enggau peku getah maya ujung minggu. Sebedau nemu nangkal, entudi bala menyadi ti ngerejang, aku tu meh nyadi ka pemerani sida iya betangkin ka raga/uyut ngumpul skrap getah.

Ayos bendar deka nemu nama guna getah tu !

Tu peku getah, Ayos madah ka diri deka ngumpul peku awak mayuh duit !!!

aab

Ngulu ka Bala Anak ujung minggu

noreply@blogger.com (Apaienduq) — Fri, 02 Mar 2012 04:11:00 +0000

Puas ga diumbuk bala anak, minta ulu bejegau maya ujung minggu kengka ke bisi di rumah laban ti selalu amat bejegau kediri. Pemuas ninga, sinu ga kala ka peluang sekeda bala kaban sida ti bisi datai maya permisi, pan sama minta ulu.

Mula program ka ke Pandan Beach di Lundu tang sida sebakih nyau berubah runding, deka mandi ai sungai enggau ai tasik. Nya ngujung ka kami sebuat nyau berumban ga ke Kem Permai di Santubong. Pegung ai bukit dulu di tuju alai berendam, udah nya lalu bebai-bai nurun ke tasik.

Nyangka tak berasai puas amat meh ati sida sebuat enggau sida sebakih. Sama ti bisi enggau ngenyapuh ka "dunya" bala anak Unggal Robin Jimbai di bisi mulai ari KL enggau datai ari Sibu.

Bala anak bujang enggau anak dara ransing amat diuluka bejegau mandi sungai udah nya mandi tebing tasik

Dalam pegung ai bukit

Baru datai deka mandi pegung ai bukit

Ayos belajar main guitar ari Aka Ellissa Robin

Mandi tebing tasik - ai masin

Mandi ai bersi pengudah berendam ba ai tasik

Semua dah puas mandi pegung enggau mandi tasik

Sida begambar sebedau mulai ka diri

aab

Ngingat ka Ex - TR Banyan

noreply@blogger.com (Apaienduq) — Wed, 29 Feb 2012 14:29:00 +0000

Mulai ka pengingat ka Niang Apai, Ex-TR Banyan awak ka bisi di peda bala uchu & anak iya ti diau ngachir kin kia.

Iya madamka seput kena 28/2/2004 lalu di senggai 2 malam, malam 28/2/2004 enggau malam 1/3//2004, iya ditumbak ba pendam Gereja Sacred Heart ngerimbai Jalai Salim Sibu kena 2/3/2004. Sehari tu 1/3/2012 udah manggai 8 taun meh niang tu udah ninggal ka bini, bala anak enggau bala uchu.

Mayuh pengawa iya ti agi nyadi ka pengingat bala anak iya. Taja iya anak tuai, tang iya meh ari sida menyadi ti nyau deka penudi niri ka ruang bilik. Nyangka setegal maya iya ti agi biak kelia, iya ngejangka menua, laban ti enggau orang "bejalai" ka menua Sandakan. Maya iya ba Sandakan, iya kena pejal nyadi soldadu Jipun dalam taun 1941 kira maya Jipun datai di menua SABA.

Pengudah Jipun alah perang 1945, sida sebuat ti datai ari Sarawak lalu bekuli ke Jeselton kira taun 1946, udah nya ngelansat dalam taun 1947-1948 ke Brunai, Seria enggau Kuala Belait ngujungka sida mulai ka diri ke Sarawak nepan kapal kayu ari Brunai ke Sibu kira taun 1950.

Seiti utai ti besai amat ulih iya maya ti "bejalai" nya, iya di ansak "macha" maya malam hari lalu ngujung ka iya nemu nulis, nemu macha enggau nemu ngira. Lebuh iya udah datai di menua, iya lalu ngajar seiku ari menyadi iya Jantan (Ex-Pemancha Jantan), "macha" lalu ngujung ka menyadi iya nya pan nemu nulis, nemu macha enggau ngira sampai ka diatu.

Maya ti ngenang iya, genap taun, bini, bala anak, bala uchu sereta bala kaban belayan, agi ngasai ka penyiru enggau pengerindu iya, nya alai, kitai patut mega semampai besampika semengat iya diau nyamai sereta likun begulai enggau orang Sante di surga, laban pengerindu, penyayau kitai ba iya meruan belama.

Berita ti ayan ba Borneo Post kena 2/3/2006

AAB

Angsa Kena Sembur Pengudah Mansai Parit

noreply@blogger.com (Apaienduq) — Tue, 28 Feb 2012 09:44:00 +0000

"Angsa" udah ngurung diri kenyau ari 30/8/2011, diatu udah mulai ka diri ke rumah kena 17/1/2012. Bekurung dalam kandang 4 bulan 17 hari ba seiti workshop Batu 4 Jln Stampin Kuching. Asai sepi aku boleh tahan ga pengelama ia berkurung ba workshopnya.

Kala ga kereta masuk workshop mina sebulan lebih aja, tang sekali tu puas amat "NGANSAK" tauke laban asai ti enda tentu patut ga sida ngumpul kereta rosak ngemayuh nya, udah nya semina di gaga nganti gintir. Pengawa sida tauke nya nadai beduli ka orang ti empu kereta laban duit/claim ari insurance Company udah dalam jari.

Beduduk ari peneleba ti nyadi tu meh, asai ti patut amat ga bekunsi/mekal bala kitai bukai ti kena penusah/accident pagila lusa, kita tau mansik/milih dulu workshop ti ulih jampat repair kereta. Kereta ti kena accident nadai penanggul di gaga enggau jampat asal udah di peresa Insurance Adjuster pengudah semua police report di gaga.

Angsa nukung, baru mulai ka diri ke rumah kenyau 30/8/2011

Angsa agi nukung

Pendiau udah kena sembur, nyau bisi lichin di peda

Kulit baru pengudah pulai mansai ba parit

Angsa ngeredut, benung ba mua Balai Polis Simpang Tiga pagi 30/8/2011 suba

Angsa kena tangkap benung mansai parit pagi 30/8/2011

aab

Lawatan Muhibah SDNU ke Kalimantan Barat (Part 5 - Final Part)

noreply@blogger.com (Apaienduq) — Tue, 21 Feb 2012 00:58:00 +0000

1. Makai Malam ba Gajah Mada Restoran Pontianak

Udah belelak bejalai kin-kia sepemanjai hari, bala kami sebuat ngiga alai ti menyana ga endur makai. Restoran Gajah Mada, kira standard amat ga endur nya. Enti di Kuching jangka aku, sebaka enggau Loke Thian tauka Rock Road restaurant.

Bala ari Dewan Adat Dayak, betuaika Drs. Yakubos Kumis sereta Ibu Yasinta, Bapak & Ibu Pansang sereta anak, Bapak Thadeus Yus sereta Ibu Lies enggau bala bukai ti bisi sama ngenatai diri lemainya.

Setinggi-tinggi penghargaan dan jutaan terima kasih kepada semua Pengurus/Committee DAD kerana kesudian melayani rombongan SDNU dengan semangat persahabatan yang sungguh mesra. Semoga semangat tersebut akan diberkati dan akan membawa kebaikan bersama di antara masyarakat Sarawak dan Kalimantan.

Rombongan Muhibah SDNU udah makai malam ba Restoran Gajah Mada

Bapak Drs Yakubos Kumis, Bapak Pansang, Bapak Numsuan dan Bapak Panglima Didi begulai enggau raban SDNU

Pemanca Samuel Lawin ari Lubok Antu enggau raban SDNU/SIDS ari Sri Aman

Bapak Paglima Eddi Barau begulai enggau raban SDNU ari Kuching

Raban SDNU/SIDS ari Sarikai ti betuaika Pn. Rossie

Raban SDNU ari Sri Aman

Bapak Thadeus Yus seduai Ibu Lies mega datai ngagai Makai Malam tang laun mimit laban seduai iya baru datai ari Sanggau

Chairman SADIA Kuching Datuk Dr. Anthony Nait begulai enggau sekeda raban SIDS/SDNU ari Taman Malihah

Selamat datai ngagai Restoran Gajah Mada

Selamat datai ngagai Restoran Gajah Mada

2. Raban Mupuk ari Pontianak ke Kuching

Raban SDNU mulai ka diri ari Pontianak ke Kuching pagi 6/2/2012 kira jam 10.00 pagi. Jam mesti deka dititih amat-amat enti nangi diri tinduk baru ba Entikong laban pejalai ngena bas ari Pontianak ke Entikong enda kurang ari 4 jam.

Pagi sebedau mulaika diri pan bala kaban bendar amat ga nyuping (shopping) bebelika kain batik enggau gari. Nitihka berita "nyau bengkrap" sekeda, pulai semina tinggal 80,000 ngagai 300,000 digalau kena meli..................... rumah !!!!!. Chukup andal diri ....................laban ti udah nyadi millionaire ha ha ha tang semina 3 hari aja !!!! Nadai hal, enti agi ka kaya nemuai baru ga !!!!!!

Selamat beresara ngagai semua raban lebih agi bala ti datai ari jauh - Pakan, Sarikai, Lubok Antu enggau Sri Aman.

Taja pan jalai mit sereta bengkuk liuk diteresa, tang semina seiti tu aja accident di pansa dalam 4 hari bejalai

Ila betemu baru, sekeda kaban terus ngena bus ari Serian ke Sarikai

Beserara ba Imigrisen Tebedu

Beserara ba Terminal Bus Batu 3 Kuching

*** Berita ditulis ngena Bahasa Malaysia enggau Jaku Iban laban meri awak bala Dayak ari Kalimantan mereti !!!!

cda

Lawatan Muhibah SDNU ke Kalimantan Barat (Part 4)

noreply@blogger.com (Apaienduq) — Mon, 20 Feb 2012 01:24:00 +0000

Bala raban SDNU temegah amat asai ati laban ti sempat nemuai ngagai sekeda endur ti tau amat ngelantangka ati, lebih agi endur ti tau amat nyadika pengingat seumur idup.

Sekeda palan ti ditapat ka raban SDNU ba Pontianak baka Istana Rakyat, Tugu Khatulistiwa kelimpah ari Rumah Betang ti palan alai raban Dayak di Pontianak ngatur pengerami.

Ribuan terima kasih kepada Bapak Yakubos Kumis kerana menguruskan lawatan ke Istana Rakyat Pontianak pada petang 4/2/2012. Lawatan ke Istana telah menjadi idaman dan impian sebahagian dari ahli rombongan setelah mendengar berita lawatan SDNU yang terdahulu.

Bagi pihak SDNU, kita menyampaikan setinggi-tinggi penghargaan dan terima kasih juga kepada Bapak Drs Cornelis, Ketua Umum Dewan Adat Dayak selaku Gubenur Kalimantan Barat kerana sudi memberi peluang SDNU sekali lagi menjejakkan kaki di Istana beliau.

1. Nemuai ke Istana Rakyat Pontianak

Rombongan SDNU bergambar depan pentas utama Dewan Istana Rakyat

Rombongan SDNU bergambar di pintu masuk Istana Rakyat

Bapak Yakubos Kumis dan Bapak Numsuan menemani rombongan SDNU ke Istana Rakyat

Nyadi ka PENGINGAT raban SIDS ba Istana Rakyat Pontianak

Panglima Eddi Barau bersama Cucu Nadia Narang beraksi ngajat di pintu masuk Istana Rakyat

Bapak Yakubos Kumis bersama ahli-ahli rombongan SDNU

2. Nemuai ngagai Rumah Betang Pontianak

Ahli rombongan SDNU di undang naik ke Rumah Betang melalui tangga utama/tangga asli

Tarian Ngajat bagi sambutan para tetamu Chap Goh Meh dari Jakarta dan rombongan SDNU

Aram ngajat !!!!

Seorang peserta dari Sarikai, Pn Gumas dengan persembahan Ngajat Indu

Jurufoto SDNU, Endun Nadia bersama kumpulan pemusik Dayak Rumah Betang Pontianak

Pameran dan jualan hasil tangan di Rumah Betang

Rumah Betang yang menjadi kebanggaan Masyarakat Dayak di Pontianak

2. Shopping Complex - Mega Mall Pontianak

Sebahgian ahli-ahli rombongan SDNU menunggu bas di depan Mmega Mall

Sedang menunggu bas di depan Mega Mall

Raban SIDS Sarikai

Makai tengahari raban Datuk Dr Anthony Nait

*** Berita ditulis ngena Bahasa Malaysia enggau Jaku Iban laban meri awak bala Dayak ari Kalimantan mereti !!!!

cda

Lawatan Muhibah SDNU ke Kalimantan (Part 3)

noreply@blogger.com (Apaienduq) — Fri, 17 Feb 2012 02:47:00 +0000

Sambutan Makan Malam di Rumah Bapak Minsin

Semua ahli rombongan sangatlah terhutang budi kepada Ibu Cecelia (Isteri Bapak Minsin Speker Deawan Perwakilan Rakyat Kalbar) kerana telah sudi menjamu makan malam dengan acara sambutan yang sungguh meriah lagi mesra pada 4/2/2012 pada malam di kediaman rasmi.

Acara dan majils malam tersebut sungguh meriah dan mesra yang dihadiri oleh hampir semua Pengurus/Komiti Dewan Adat Dayak Pontianak, ini akan menjadi ingatan manis kepada semua ahli rombongan SDNU.

Turut hadir sama pada majlis sambutan malam tersebut adalah Bapak Atan Palil, Timbalan President Majlis Adat Dayak Nasional (MADN).

Majlis yang meriah itu telah berlanjutan sehingga jam 1.00 pagi, atas kebenaran oleh Ibu Cecelia sendiri sebagai Hos acara tersebut.

Bapak Drs Yakubos Kumis nyambut raban SDNU ba rumah Bapak Minsin

Bapak Atan Palil dan Bapak Yakubos Kumis

Ibu Minsin bersama rakan-rakan yang lain

Semua jenis makanan tempatan mesti dicuba!!!!

Perbincangan, siapa dan apa persembahan selepas ini bagi mewakili SDNU

Ahli-ahli SDNU/SIDS Taman Malihah

Ibu Irine, Ibu Helene dan Ibu Diana bersama rakan-rakan

Persembahan "Ngajat Ngeruh Ai"

Bapak Federick Kuyah bersama Sinclair dan rakan SDNU Sri Aman

Maya makai

Ibu Cecelia (Isteri Bapak Minsin), Bapak Fedrick Kuyah sereta bala bukai begulai enggau sekeda raban SDNU

Amaran apa itu??? ......Pn Gumas dan Pn Rossie

Dua Panglima, Pak Udin dan Pak Weddy bersama rakan

*** Berita ditulis ngena Bahasa Malaysia enggau Jaku Iban laban meri awak bala Dayak ari Kalimantan mereti !!!!

cda

Lawatan Muhibah SDNU Ke Kalimantan (Part 2)

noreply@blogger.com (Apaienduq) — Thu, 16 Feb 2012 03:14:00 +0000

1. Menginap di Wisma Emaus Nyarungkup Singkawang

Raban SDNU datai di Wisma Emaus kira bisi jam 1.00 pagi laban ti lalu ngulu pengerami nyambut penatai raban SDNU ba Rumah Adat.

Wisma Emaus nya seiti Hostel ti manah amat alai ngenduh ka diri enggau bayar ti numbas ga nitih ka perengka ti bisi disediaka dalam bilik. Dalam seiti bilik kira chukup alai 4 ngagai 6 iku.

Hostel tu di gaga nyediakan alai diau raban nembiak ti belajar ka pasal pengarap ari Gereja Katholik. Ia mega beresi sereta meruan likun endur belelak.

Jurukamera dan jurupandu di luar Bilik Hostel

Rakaman sebelum meninggalkan Bilik Hostel

Menunggu giliran makan & minum pagi

Ngirup & Makai pagi ba Wisma Emaus

2. Persinggahan di Tugu Khatulistiwa Pontianak

Dalam perjalanan dari Singkawang ke Pontianak, rombongan SDNU telah mengadakan persingggahan di berberapa tempat dan bandar-bandar kecil seperti Pasir Panjang, Bandar Mempawah, Bandar Sungai Beduri dan Bandar Sungai Pinyuh.

Sebelum bertolak dari Singkawang, rombongan SDNU telah mengadakan tinjauan/berpusing-pusing dengan bas di sekitar Kota Singkawang.

Tugu Khatulistiwa

Taklimat ringkas

Sijil Lawatan ke Tugu Khatulistiwa

3. Makan Tengahari di Pondok Nelayan Pontianak

Terima kasih kepada Bapak Clarry Sada kerana telah sedia menunggu rombongan kami tiba di Kedai Makan Pondok Nelayan.

Beliau menyambut ketibaan kami walaupun sibuk dengan tugas rasmi sebagai seorang pensyarah di salah sebuah Universiti di Pontianak.

Bapak Clarry Sada menyambut ketibaan Rombongan SDNU di Pondok Nelayan untuk Makan Tengahari

Makan tengahari

*** Berita ditulis ngena Bahasa Malaysia enggau Jaku Iban laban meri awak bala Dayak ari Kalimantan mereti !!!!

cda

Lawatan Muhibah SDNU Ke Kalimantan Barat (Part 1)

noreply@blogger.com (Apaienduq) — Tue, 14 Feb 2012 12:50:00 +0000

1. Sambutan oleh Dewan Adat Dayak Singkawang

Raban SDNU datai di Singkawang kira jam 7.00 lemai lalu terus dibai ngagai Rumah Adat. Ba Rumah Adat, raban Komiti Dewan Adat Dayak ti betuaika Bapak Aloysius Kilim sigi udah sedia nganti penatai raban SDNU kenyau ari jam 5.00 lemai.

Terima kasih ngagai semua Pengurus/Komiti DAD Singkawang sereta Bapak Hassan Karman, Walikota Singkawang ti sama datai ngulu pengerami ba Rumah Adat taja pan ia datai dudi laban ti benung kiruh enggau pengerami Chap Goh Meh ba Stadium Kota Singkawang.

Dalam acara sambutan, Bapak Hassan Karman mengucapkan terima kasih kerana SDNU sering berkunjung ke Singkawang. Pada malam tersebut Bapak Hassan telah mengundang rombongan SDNU berkunjung ke Tapak Pesta Chap Goh Meh bagi menyaksikan pameran dan persembahan.

Bapak Hassan bersama Bapak Aloysius Kilim telah mencadangkan bahawa Dewan Adat Dayak Singkawang akan mengadakan kunjungan Muhibah DAD ke Kuching pada bulan Maret 2012.

Panitia/Komiti rombongan terus ditubuhkan oleh DAD Singkawang diketuai oleh Bapak Aloysius sendiri bersama Bapak Yohanes Anes bagi meneliti dan merancangkan Lawatan Muhibah DAD Singkawang.

Semua ahli rombongan SDNU telah memahami dan membawa berita gembira itu kepada semua rakan SDNU di seluruh Sarawak. Semoga lawatan DAD Singkawang ke Sarawak akan menjadi nyata, terutamanya pada pertengahan bulan April 2012 yang akan datang.

Ucapan Sambutan Bapak Aloysius Kilim, Ketua Umum Dewan Adat Dayak Singkawang

Ketibaan rombongan SDNU di Rumah Adat Singkawang

Ketibaan rombongan diidang dengan minuman kelapa muda

Para ahli rombongan menyaksikan berberapa acara menarik dalam sambutan malam tersebut

Acara sambutan salah satu tarian Dayak di Singkawang

Rombongan SDNU disambut oleh Komiti Festival Chap Goh Meh di Stadium Kota Singkawang

Naga sepanjang 137 m, rekod yang terpanjang di Indonesia

Naga 137m dikena nyambut Chap Goh Meh Kota Singkawang

Great Wall of Singkawang

2. Sambutan di Ngabang oleh Bupati dan Dewan Adat Dayak Landak

SDNU berasai temegah amat ati laban bala kaban Dewan Adat Dayak betuaika Bapak Lodis seduai Bapak Supendi udah lama sedia nyambut penatai raban SDNU ba rumah Bapak Bupati Landak.

Terima kasih ngagai Bapak Adrianus Asia Sindot laban ti nadai belampung ati ngelaluka penatai raban SDNU mansa Pasar Ngabang.

Walaupun waktu persinggahan yang singkat, namun para ahli rombongan telah merasa penuh kemesraan kerana sambutan oleh DAD sungguh hebat.

Cenderahati kepada Bapak Adrianus dari Rombongan SDNU

Bapak Adrianus bersama Ketua Rombongan, Ketua-Ketua Cawangan SDNU dan SADIA

Bapak Adrianus, Anthony Banyan dan Datuk Dr. Anthony Nait

Sebahagian ahli rombongan SDNU mendengar amanat Bupati Bapak Adrianus Sindot

Puteri Bapak Adrianus memberi kejutan menghadiahkan Kek Ulangtahun Bapak Adrianus yang ke 51

Bupati Landak Bapak Adrianus Asia Sindot diberi penghormatan harijadi oleh keluarga beliau secara "Kejutan/surprised"

Sedang asyik mendengar kata sambutan oleh Bapak Adrianus

Kejutan Kek Hari Ulang Tahun Bapak Adrianus S yang ke 51

3. Pejalai ari Kuching ke Tebedu

SDNU sekali agi ngatur pengawa nemuai ke Pontianak. Sekali tu En. Spenecr Birai ngarika SDNU Taman Bolder Built nyadi Chief Coordinator ngatur penemuai sereta program.

Mupuk jam 6.00 pagi 3/2/2012 ari terminal bas Kuching, 2 buah bas betunda udi nuju ke Tebedu. Sampai di Tebedu kira jam 8.00 pagi. Ba Imigrisen sereta kastam Tebedu enggau Entikong nadai penanggul ti besai laban ti bisi dibantu Cikgu Beneson Mawan ti udah sedia nganti di Entikong.

Urusan Imigrisen Indonesia di Entikong

Bas selesa yang membawa para rombongan bagi jarak jauh

Menunggu urusan imigrisen di Tebedu

Ahli-ahli rombongan menunggu urusan passport di Imigrisen Malaysia

*** Berita ditulis ngena Bahasa Malaysia enggau Jaku Iban laban meri awak bala Dayak ari Kalimantan mereti !!!!

cda

Lawatan Muhibah DAD Kalbar ke Sarawak

noreply@blogger.com (Apaienduq) — Tue, 07 Feb 2012 12:07:00 +0000

Kementerian Pembangunan Sosial Sarawak udah nerima penemuai seraban 65 kaban Dewan Adat Dayak (DAD) sereta Persatuan Perempuan Dayak (P2D) Kalimantan Barat ari Pontianak enggau Ngabang/Landak kena ujung minggu 21 - 23/1/2012 tu tadi. Raban sidanya betuaika Drs. Yakubos Kumis ti nyadi seiku ari Ketua DAD di Pontianak.

Lebuh penemuai DAD nya tadi, Yang Berhormat Tan Sri William Mawan, Menteri Pembangunan Sosial Sarawak, mai SDNU sama nerima penatai sida iya, lebih agi ngatur pengerami makai malam kena 22/1/2012 ba seiti Hotel di Kuching.

Ba pengerami makai malam, main asal Dayak ari Sarawak enggau Kalimantan sama bisi dibantai di kena merindang bala mayuh. Pak Udin seduai Pak Didi mega sama mantaika main "kebal" Dayak ti balat amat ngalitka ati bala ti meda, pisau jilit enggau lungga/ilang tajam kelimpah ari megai karan/electricity.

Kementerian Pembangunan Sosial Sarawak sereta Kampung Budaya Sarawak sama mantaika main asal sereta main bukai ti dikena merindang bala mayuh ti sama datai.

Maya siang hari, raban ari Kalimantan dibai KPSS/Majlis Sukan Negeri, main ball enggau Volley ball.

Ngenataika besai terima kasih ngagai KPSS sereta Menteri laban ti meri peluang begulai enggau bala Dayak ari Kalimantan.

Salam mesra dan selamat berjumpa lagi kepada semua saudara dan saudari dari Kalimantan Barat. Semoga kunjungan tersebut dan yang mendatang akan dapat memupuk dan mengeratkan hubungan bagi menyahut seruan kedua-dua buah negara dalam kerjasama SOSEK-MALINDO.

En. Nicholas Brayan benung bebiau sepengudah miring lalu di peratika Bapak Drs Yakubos Kumis Ketuai Raban DAD seduai En. Paul Igai, Sekretari Politik Kepala Menteri ti ngarika Yang Berhormat Tan Sri William Mawan

Pak Udin seduai Pak Didi mantaika main asal Dayak

Ibu Irine ari Sg. Pinyuh

YBhg. Ibu Minsen, Ketua Persatuan Perempuan Dayak (P2D) Kalimantan Barat nerima tanda pengingat ari En. Paul Igai

YBhg. Ibu Minsen ngenataika tanda pengingat ngagai Anthony Banyan ti ngarika SDNU

Ibu Veronica, Ketuai main asal - ngajat ari P2D

En. Nicholas Brayan, Ketuai Adat Miring ngaduka ukir seiku ti sama ngiring piring

Raban DAD mantai ka kereban main asal ba mua Hotel

cda

Makai Malam Kawin Dom Kelvin & Endun Elebert Gira

noreply@blogger.com (Apaienduq) — Thu, 02 Feb 2012 03:35:00 +0000

Ngenatai ka pengaga ati ngagai Dom seduai Endun Elebert ti baru udah rami ka seduai ti kawin kena 27.1.2012 ba RH Hotel Sibu.

Mayuh bala kaban belayan maya makai malam, ti datai ari Machan, Julau, Sarikai, Saratok, Bintulu, Miri, Kapit, Kuching enggau sekeda, bisi mega ngenataika diri ari KL. Makai malam nya nyadi ka seiti peluang bala kaban belayan betemu enggau pangan diri. Indai tuai seiku madah diri, baru betemu enggau petunggal iya ti datai ari Julau malamnya sepengudah 50 taun nyin suba. Nasib meh malamnya, nyadika "penyambung baru" ti ngerapatka kaul diri sebilik/diri sepetunggal/diri sekaban ti nyau udah deka ngejang jauh.

Rami mega malamnya, tajapan Igat MC enda tak nyengala bejalaika pengawa enggau meruan ti tau ngasuh pengerami "idup/live" mantai ka "Ohhhmp" ti pemadu tinggi. Pengerami bisi Ohhhhmp enti ia diatur enggau meruan ngena penelaba ti udah bisi ba kitai.

Dom Kelvin & Endun Elebert Gira

Bersuaka Tinchin pengerindu

Apai seduai Indai Dom Kelvin enggau Endun Elebert

Bebuka Baku

Dom Kelvin seduai Endun Elebert meri ngirup Ini ari Machan enggau Ini ari Julau

Ini ari Machan, Sebi Ak Igang

Dom Saying ti nyadi MC malam nya enggau En. Michael Ili, ti nyadi tuai sembiang

Apai & Indai Titol (Dr. & Mrs. Alik Duju)

Indai George ari Machan, Apai Sim enggau Ayos

Apai & Indai Sudan (Mr. & Mrs. Chris Buda Ansam) ari KL sereta Danny Lang & Apai ari Sibu/Machan

Dom Kelvin seduai Endun Elebert enggau Apai & Indai Titol

Poco-Poco

Tiga Ini sama bajik - Ini Machan, Ini Julau & Ini Saratok

Indai Sebi (Betty - Machan), Indai Tuat (Senah - Miri), Apai Ampi (Gabriel Blasan - Sibu) & Indai Entalai (Enduh - Bintulu)

Dom Kelvin seduai Endun Elebert enggau Apai Budop (Mr. Graman Dullah)

Winnie James Watt

Mr. & Mrs. Gilbert Liman & Mr. & Mrs. Foo Keng Seng

Ex- Penghulu Umpi seduai TR Sandai

Mr. Mathew Semilan, Temenggong Sir Adrian Ringgau, Mr. & Mrs. TR Angkah & Mr. & Mrs TR Petrus Ngelai

Orang Latong

Indai Entalai ari Bintulu ba belakang Ayos

Indai Alice enggau Mr. & Mrs. Augustine Merikan

Apai & Indai Dibah (Mr. & Mrs Dim Mapang)

Mr. Chambai Lindong & Cikgu Jeffery Jugah

Mr. & Mrs. Bagol

Mr. & Mrs. Christopher Tajai & Family ari Saratok

Sekeda ari raban SIDS Sibu

Apai Susan (Mr. Clement Ingun) sereta Mr. & Mrs Mathew Semilan

Temenggong Sir Adrian Ringgau

Mdm. Angelyn Uchi sereta bala kaban SIDS Sibu

Mr. Tengku Geruna seduai Mr. Chambai Lindong

cda

Rami Kawin Bala Anak Petunggal

noreply@blogger.com (Apaienduq) — Tue, 17 Jan 2012 23:11:00 +0000

1. Igat Boniface Ajun Seduai Endun Sylvia

Nemu amat ga seduai tu milih haribulan 1.1.2012 alai nyerumpuka diri sebilik ba TanahMas Hotel di Sibu. Mayuh mega kaban belayan ti bisi datai ari Machan, Tada, Saratok, Bintulu, Miri, Kuching kelimpah ari kaban Igat Iface seduai Endun Syvlia ari Kuala Lumpur.

Diri empu, berumban berunding bakani ke Sibu, pengawa benung mekang, malam tadi pan kaban ari Pontianak enggau Ngabang pan agi di Kuching, nyau baka dikelari, paginya tudah Apai Bayuk bendar endar ga ngangau, nyau kalau-kalau, madah enda tau enda datai rami Iface kawin, enda ulih sampal biar kediri aja.

Nyau tusah ga ati meda iya nyau majak ngangau, belanda ngagai Airport, minta bai kaban Tan Sri Fernandos ke Sibu, tau meh ko sida tang jam 5.20 lemai. Lemai-lemai lah asal kita ka mai aku, pia saut dalam ati din.

Leka ka jaku nya, aku ngari ka kami sebilik, ngenataika ka pengaga ati ngagai Apai Bayuk seduai Indai Bayuk laban ti mujur bisi bulih menantu ba taun baru tu. Ngagai Igat Iface seduai Endun Sylvia, kami sebilik mega ngenataika pengaga ati sereta besampika seduai mujur dalam semua pengawa, lebih agi ba ruang bilik ti mujur sereta likun. Kami mega besampi ka seduai tau peridi baka pisang dikelulung tambak.

Igat Iface enggau Endun Sylvia melah Kek lalu di kemataka apai enggau indai seduai

Indai Chemit menyadi tuai Apai Bayuk begulai enggau anak ti baru besabung jadi Igat Boniface seduai Endun Sylvia

Indai Falicka ngulu ka pengari ari lelaki "Muka Baku enggau Melah Pinang" ti nyadi seiti ari simbolik jadi melaki bini

TR Sandai ari Mangut, menyadi ti nangkan apai Iface

Novy enggau Ini sereta sida sebilik ari Machan

Du enggau Ini Buban ari Ng Jih Kanowit

Anak Dara orang Mangut kini dua iku tu, Cherrylen seduai Cherrysca

Bala anak Bujang ari Mangut

Bala Apai Ampi, Apai Entalai & Apai Chacha

Bala Apai Umang

Bala Apai Tapoi sebilik

2. Endun Adline Jarit seduai Timothy

Ngenataika pengaga ati ngagai seduai Endun Adline Ak Jarit seduai Igat Timothy laban ti udah mujur ngepunka ruang bilik. Arap ka seduai mujur dalam semua pengawa belabuh ari diatu sampaika jemah ila. Pengaga ati mega ngagai apai seduai indai nuan ti udah meri pemujur mekal nuan enggau pemandai sekula ari mit sampai ka besai tu.

Pengerami makai malamnya kena lemai 28.12.2012 ba Grand Continental Hotel Kuching, seiti ari peluang bala kitai serumpu. Rindu ga meda mua bala ti datai ari Machan enggau Kapit, taja pan enda mayuh tang udah chukup mantaika pengaga ati ngagai seduai ti baru jadi melaki bini. Bala Igat, Bidayuh ari Serian enggau Bau mayuh mega datai tang enda di kelala.

Pengantin

Apai sereta Indai Pengantin

Igat Nalong enggau bala entua ari Machan

Apai Eva sebilik

Renggie seduai Janang

Ayos & Gangs (Bala anak buah Ayos empu!!!)

Mr & Mrs Janang Sawing

Apai & Indai Along

Teresa Martin sebilik

cda

Bapak Adrianus & Bapak Thadeus - Sambutan Tahun Baru 2012

noreply@blogger.com (Apaienduq) — Wed, 11 Jan 2012 03:31:00 +0000

Sekali tu aku ngenataika berita ti tau nyadi ka pengingat kami menyanak laban ti nerima temuai ari Kalimantan Barat kena lemai 31/12/2011, begulai nyambut taun baru 2012.

Salam hormat dan salam persaudaraan kepada keluarga Bapak Adrianus Sindot dari Ngabang dan keluarga Bapak Thadeus Yus dari Pontianak.

Kami sekeluarga merasa kunjungan tahun baru oleh dua buah keluarga dari Ngabang dan Pontianak pada 31/12/2011, suatu penghormatan yang akan menjadi kenangan manis kepada kami sekeluarga.

Walaubagaimana pun, saya memohon maaf sekiranya apa-apa yang kami sajikan untuk makan malam bersama pada malam tersebut kurang enak. Adalah diharapkan pertemuan 3 buah keluarga yang ulung dan bersejarah itu, akan menjadi ingatan bersama tetapi bukan apa yang telah disajikan untuk dinikmati yang serba kekurangan.

Terima kasih kepada Bapak Thadeus kerana telah mengatur pertemuan tersebut yang secara kebetulan meraikan hari ulang tahun Putera Arie yang ke 24. Semoga pertemuan yang serupa, dapat diatur sekali lagi, bagi mengeratkan hubungan persaudaraan 3 keluarga yang berjauhan itu.

Kunjungan hujung tahun oleh keluarga Bupati Landak Bapak Adrianus Asia Sindot dari Ngabang dan keluarga Bapak Thadeus Yus dari Pontianak ke Kuching pada 31/12/2011

Ucapan terima kasih ke atas anugerah kesihatan dan keselamatan sepanjang tahun 2011 dan memohon anugerah yang sama pada tahun baru 2012 - (L-R) En. Jungan Buda, En. Spencer Birai, Bapak Thadeus Yus dan Bapak Adrianus A Sindot

Ucapan terima kasih ke atas makanan dan minuman yang telah dan akan memberi kekuatan badan dan semangat

Gabungan dua keluarga satu dari Pontianak dan satu dari Kuching

Dua orang puteri Bapak Adrianus memberikan ciuman kasih sayang dan mesra kepada Ayos

Ayos sangat hebat, cepat mesra, sentiasa disukai oleh sahabat handai dan tamu yang datang kerana sikapnya yang suka melayani dan berbual dengan tamu tanpa mengira peringkat umur

En. Lansam dan rakan dari Taman Boarder Built

Keluarga Bapak Adrianus

Aktiviti anak-anak di luar rumah

Arie dengan Cake HUT (hari ulang tahun) ke 24

Ayos dan Bapak Adrianus

Kek HUT untuk Ayos dari Arie

Arie, Watt, Anggat & Ayos

Ayos bersama Isteri dan 3 Puteri Bapak Adrianus

aab

Bekau Kena Bah pagi 5.1.2012

noreply@blogger.com (Apaienduq) — Mon, 09 Jan 2012 03:55:00 +0000

Puji sereta terima kasih ngagai Ia ti meri penguji sereta meri pengering runding, ati enggau pengering tubuh.

Sekali da ga kena tasah, bah mansa rumah lama, penalam ai kira 3 inchi ba bilik besai. Sekeda barang ti agi dia, udah sedia deka diangkut tang laban penusah "ansa" mansai parit, semua plan ti deka berangkut ngagai endur baru lalu teketu kandang 3 bulan ti udah lalu.

Nasib ga mayuh barang bukai udah diangkut pupuk. Pagi nya, nadai sekali disadang, rumah puang, seigi nadai orang ngangkat ka barang ti agi ba lantai maya ai mupuk niki kena pagi 5/1/2011, lalu ngujung ka utai ti bisi ba rumah nya nyau chelap magang.

Sekeda barang ti berendam ba bilik dapur

Barang berendam ba bilik tinduk

Sekeda barang ti basah ba seating room

Sekeda buku enggau barang ba bilik Watt seduai Anggat

Barang ba bilik Enduq

Sekeda ari barang ti enda berendam ba atas katil

Kotak bup pan tau tumbang ba belakang rumah

Sekeda barang ba belakang rumah

Penalam ai kira 3 Inchi ari geladak

"Pameran" sekeda gambar diri sebilik ti basah berendam

Semua endor alai "pameran" gambar

Gambar basah

Enda kurang ari 2500 keping gambar basah

Sekeda gambar diri sebilik ti basah berendam

cda

SMK Jln Arang kena Bah

noreply@blogger.com (Apaienduq) — Fri, 06 Jan 2012 23:30:00 +0000

Ba hari kedua 5.1.2012, nurun sekula, baka hari terubah mega, tumu nurun laban agi ransing, tambah mega ngichaka lepas jalai sekut/jem. Terubah ngelawa SK Jln Arang nengah Kpg Sinar Budi laban ti larika jalai sekut kira jam 6.35 pagi.

Udah nyangkaika Ayos, dalam kandang kurang ari 5 minit lalu terus nuju SMK Jln Arang,kira 300m ari SK Jln Arang, tak enda mukai-mukai jalai udah penuh ai. Taja jalai udah penuh ai, ulih mega kereta lepas. Ari nya malik ngagai simpang Jln Bayan, peda sekeda lantai rumah udah bela enggau tikas ai.

Nadai runding meh tudah pangan, seigi nyagam dalam ati, sekeda barang ti agi tinggal ba rumah No. 2175 Lrg Bayan 10, udah gerenti tenggelam. SMS ngagai bala pangan, semina madah ka pinggai mangkuk ti agi tinggal aja ketawa berendam, tang barang bukai enti nemu bejaku seigi madahka diri chelap.

Nyau semak Lrg Arang 13, antara ka antara enggai ga mansang ngagai SMK Jln Arang, enda nyamai lalu pajakka sekali. Tak enda mukai-mukai, sepi asai kereta asai ti ngena speedboad ti ngelaban lelangan. Bah besai ba tungga Lrg Arang 13 jalai nuju SMK Jln Arang kira jam 7.00 -8.30 pagi ba hari kedua sekula dibuka.

Jalai masuk ngagai SMK Jalan Arang

Kereta masuk parit ba jalai masuk SMK Jalan Arang

Bah ba jalai besai mua SMK Jalan Arang lebih 2 kaki

Bah ngenyit belabuh jam 6.35 pagi ba Lorong Arang 13, nuju SMK Jln Arang ari Jalan Kong Ping Bt. 41/2 Kuching

Jalai besai kena bah

cda

Forum Jaku Iban (Pekit Ngarang Jaku Iban)

noreply@blogger.com (Apaienduq) — Thu, 05 Jan 2012 02:12:00 +0000

Ngenatai ka pengaga ati ngagai semua nembiak ti nerima perais ba Pekit Ngarang Jaku Iban (Dua Kategori Berpan & Cherpan) ti udah diatur SDNU begulai enggau Utusan Borneo nyerumba Forum Jaku Iban 2011 tu tadi.

Nembiak ti champion nerima mata duit RM1,000.00 + trophy + Sertipikit, pia mega ba lumur 2 nerima RM750.00 +Trophy + Sertipikit enggau lumur 3 nerima RM500.00 + trophy + sertipikit. Kelimpah ari lumur 1, 2 enggau 3, ari lumur 4 ngagai lumur 10, sida iya diberi pengaga ati RM100.00 enggau Sertipikit.

Pengerami ngenatai ka perais nya diatur ba Kelab Golf Sarawak kena 30/12/2011 tu tadi. YB Dr Johnnicol Rayong ti ngarika Menteri Pembangunan Sosial YB Tan Sri William Mawan udah ngenatai ka perais maya nya. Ia mega meri bantu mata duit ngagai Komiti tu dikena bejalaika pengawa ba taun dudi tu ila.

Bala Komiti pengatur pengawa ti betuaika En. Edwin Jemat berasai gaga amat ati laban bala Ketuai kitai Iban makin mayuh meri sukung ngatur baru Forum Jaku Iban ba taun dudi tu ila.

Edwin Jemat ngenataika CD Forum Jaku Iban ngagai YB Dr. Johnical Rayong

Pengerusi FJI, En. Edwin Jemat nerima bantu belanja ari YB Dr. Johnnical Rayong

Selamat datai YB, tu sekeda ari nembiak ti menang pekit ngarang Jaku Iban, pia ko Vera James

En. Edwin Jemat ti nyadi Ketuai Pengatur Forum Jaku Iban 2011

Ketuai Pengatur Pekit Ngarang Jaku Iban 2011

Igat Alvin Julai ari SMK St. Anthony Sarikai nerima perais Champion ba Kategori Karang Berita Pandak (BERPAN)

Endun Limmychell ari SMK St. Anthony Sarikai nerima perais Champion ba Kategori Cherita Pandak (CHERPAN)

Endun Lovienna Richard ari SMK Jln Arang nerima perais kedua ba Kategori Berita Pandak

Pengerusi Forum Jaku Iban En. Edwin Jemat nerima bantu ari YB Dr Johnnical Rayong

Bala nembiak ti menang pekit Ngarang Jaku Iban 2011 begambar enggau YB Dr. Johhnical Rayong sereta sekeda Raban Komiti FJI 2011

Berita ti ayan dalam Borneo Post ti bekaul enggau Pekit Ngarang Jaku Iban 2011

Berita ti ayan dalam Utusan Sarawak, En. Spencer Birai, President PBTM Bahagian Sarawak nerima grant ari Tan Sri William Mawan