Temuai

free link to home study courses guide
Online home study courses guide.

Monday, September 10, 2012

Niri Tiang Pemun Rumah Baru Rh. Wilfred Abit Ng Pek

Ngenatai ka pengaga ati ngagai bala sida Rh Wilfred Abit serurmah laban ti mujur ngadu ka Tiang Pemun rumah baru sida ia kena pagi 20/8/2012 tu tadi. Pengerami bejadi ka Tiang Pemun enda ga besai tang chukup meh nyadi ka Cherita Lama (Record/history) rumah panjai Nanga Pek kena nambah ba Cherita Lama ka rumah asal nya ti di gaga sebedau taun 1957 suba.

Mayuh bala kaban belayan datai, meri bantu tulang enggau pengawa nyedia ka pelasar tiang rumah baru. Nasib amat ga sida serumah tu bisi dua tiga iku nembiak ti bisi penemu Engineering enggau Architecture ulih mantu ari mula planning ka tapak baru rumah nya. Enggau bantu sida nya, mayuh amat utai ulih adu ngena chara bekelimat ba belanja.

Rh Wilfred Abit udah ngelanggur deka ngaga rumah baru kenyau ari kira 2007 suba, nya alai belabuh ari taun nya, sekayu rumah lalu nyedia ka FUND rumah baru. Kelimpah ari bantu perintah ngena MRP, sida serumah mega bisi atur ngisi fund, bebayar ninting bulan.

Komiti Berumah betuai ka En. Morris Unong, seiku Kepala Pengajar ti dulu, chukup bebendar ngatur pengawa ari pun 2007 suba sampai ka pengawa niri ka Tiang Pemun kena pagi 20/8/2012 tu tadi.


 Rumah lama agi regah-regah taja pan di diri sebedau taun 1957, semina ruai enggau tanju udah di rerak meri awak nyungkur tapak rumah baru


 Nunjuk ka pengaga JKKK Rh Wilfred Abit ngelalu ka penatai bala mayuh


 Ngelubang alai pun tiang ba tapak rumah baru


 
 Besaup ngelubang alai pun tiang ba bilik diri empu


 
 Mr. Unjil E Tawi mega ngulu ka bala besaup ngelubang alai pun tiang pemun


 Father benung sembiang merkat tiang pemun bilik TR Wilfred Abit


 Father, merkat ka alai lubang tiang pemun bilik Sintau Ak Seman


 
 Ayos mega enda tinggal sembiang ka tapak bilik Aki iya Sintau Ak Seman


 Father benung sembiang berkat ka tapak tiang pemun bilik Thomas Kana


 Ayos enda lembau taja jam 7.00 pagi begulu enggau sembiang ka tapak tiang rumah baru


 Apai Jang seduai Apai Renya negap ka tapak tiang Pemun bilik Sintau Ak Seman


 Chara ngelurus ka besi tulang tiang


Ayos mandi ai Rimbas taja pan orang agi kiruh besemin ka tapak tiang rumah


 Apai Sidi nyadi tukang gerah mai besedia ka piring jam 4.00 pagi


 Piring ka bilik Nuga Ak Majat


 Tapak tiang pemun bilik Nuga Ak Majat


Mr. Balang


 Mr. Bangga mega bisi datai ari Miri


 Mr & Mrs Robin datai ari Kuching


 
 Enduq seduai Mum enggau Ibu, Indai Jen mega sama meda pengawa miring tumu pagi


Tu gaya posing tumu pagi begulai enggau Uchu Dungging Ak Gunggu ari Ng Ulai

cda

2 comments:

Anglers Belong said...

Sinu meda rumah lama nya...maioh endar pengingat rumah lama nya.
A bit disappointed to see that no traditional ritual to bless the 'ngentak'...too bd the new generation can't see the way of their old grandfathers..
-sempurai of rumahpanjai.com-

Feel free to visit and follow our humble fishing blog at;
http://www.kakinginti.rumahpanjai.com
Cheer!

Apaienduq said...

Anglers Belong, terima kasih laban ti udah mansa Penjurai.

Sigi amat sinu meda rumah lama deka di buka ila, rumah panjai sida tu ukai baru tang kenyau ari taun 1950han.

Sida iya ngentak nitih ka pengarap diri sebilik.

Sekeda sida ngena pengarap Kristen lalu sekeda ngena pengarap BEPIRING, BEBUNUH JANI ENGGAU MANUK.

Nya alai peda nuan ba gambar bisi bepiring tumu kira jam 3.00 pagi. Sida ti ngena jalai Kristen, sembiang kira jam 8.00 pagi.

Panggau Bujang Dara Endu Endun

Menua Apai Indai Aki Ini

Pupu Menua

Pupu Bansa