Temuai

free link to home study courses guide
Online home study courses guide.

Wednesday, November 25, 2009

Ujang Nyambut Slip UPSR benung Apai Nepan Express Boat

Manah amat ga chara enggau jam enti ngatur hari penyampaian sijil dan hadiah serempak enggau pemutus UPSR pansut.

SK Jalan Arang Kuching udah ngatur pengerami penudi ujung taun nya kena 19/11/2009. Anak Apaienduq, tudah Ujang bisi nerima 3 tau ka 4 iti sijil ari sekula pagi nya, tak semina indai iya seduai Ayos ti changuk-changuk di belakang ngemata ka Ujang nurun niki, nurun niki ari panggau.

Nyau telunga-lunga Ayos seduai Indai di belakang, enda tekachit ka kamera taja pan sekali, nama deh tak nadai gambar siti meh tudah Ujang. Nama agi niki ka panggau nerima slip UPSR 2009, ti kumbai Cemerlang, arap ka sida cikgu bisi meri gambar pagila lusa. Slip UPSR kira OK bekedara ga anak A, ulih kena "nyaman" apai enggau indai iya, Dom di Bakun, Indai Du seduai Ini Du di Sibu, Aki seduai Ini di Taman Indah Sibu. Bala bukai pan ulih kena "saman" Ujang tang dudi ila.

Sinu ga meda Ujang ngambi pemutus UPSR 2009 tu tadi nadai di sempulang apai. Ukai nama laban apai iya benung bejalai ka pengawa di endur bukai, benung dalam express boat ari Sibu ke Kapit, selalu amat bejegau kin kia. Gaga sapa enda gaga nerima berita anak diri nurun niki ke panggau lebih agi di gerah sida cikgu, Ujang siku ari 10 iku, pelajar CEMERLANG UPSR 2009 ari SK Jalan Arang.

Akai dai, pulai ke Kuching ati sigi gaga tang mesti nyedia ka "saman" dulu, enti enda pia tentu mayuh agi "saman" datai. Janji tetap janji, sebedau kena tagih semua janji udah sedia ka magang. Nama agi, gaga amat meh anak gamal tudah Ujang, nerima bayar janji ti ngenyampau nya, sebaka enggau "saman" polis enggau JPJ, nadai tau enda dibayar !!!!!

Taja pan diri kena "saman", aku ngari ka kami sebilik ngenatai ka terima kasih ngagai bala Cikgu di Sk Jalan Arang sereta bala cikgu ba Tution Centre di MJC, laban ari sida iya magang ngasuh "surat saman Ujang" nya nyadi bisa.


Ribuan Penghargaan dan Terima Kasih kepada semua Guru dan Kakitangan SK Jln Arang kerana menyumbang kepada kejayaan anak kami dalam peperiksaan UPSR 2009

Cikgu Besau (r) Pn. Sharifah Nasihat Bte Tunku Mahmud
Cikgu Kisun Kimbun
Cikgu Peter Lajang
Cikgu Jilen Johes
Cikgu Toh
Cikgu Loh
Cikgu Lia


Gambar: Gamal Gaga pandang ngagai apai



Ujang berumban ngayan ka slip UPSR ngagai apai iya



Siti ari Upah Ujang



Kunsi bayam Upah UPSR 2009



Sekeda ari Sijil ti di terima Ujang pagi nya:-



Sijil Penghargaan Pelajar Cemerlang PraUPSR


Sijil Penghargaan Cemerlang


Tu kumbai orang suba "LIBING" (school leaving certificate)


Sijil Penghargaan sebagai Pengawas Sekolah



Rekod peribadi ari Sekula, terima kasih ngagai sekula lebih agi guru kelas, Cikgu Jilen


Surat Saman ari Ujang, Slip UPSR 2009



j

7 comments:

Jay said...

Tahniah Ujang. Keep up excellent work.

Chris Anakapai said...

Congrats ngagai Ujang. Pia meh Ujang, ngarap ka makin mansang dalam semua pengawa :-)

Apaienduq said...

Chris n Jay, terima kasih laban bisi mansa, bisi aku ngenatai ngagai Ujang pesan ari seduai.

Sada Menua said...

Congratulation ngagai nuan Ujang.... Arap ke mujur nyentuk ke jemah ila... Cuti sekula..bai pulai daddy nuan ke Machan ngambi bua...

Apaienduq said...

SMenua, bisi Ujang macha pesan nuan tadi. Terima kasih ka peransang sereta sampi kita.

Kati udah mayuh rian kita di Latong diatu?

Arap ka buah agi bisi maya kawin Tuat (Steward) tu ila !!! Dini nua diatu SM?

Nick Descream said...

Congrats nuju Ujang, apai ia he he & semua sida sebilik...,

Apaienduq said...

NDescream, terima kasih ko Ujang !!!!

Panggau Bujang Dara Endu Endun

Menua Apai Indai Aki Ini

Pupu Menua

Pupu Bansa