Temuai

free link to home study courses guide
Online home study courses guide.

Tuesday, March 10, 2009

Pengidup di Pesisir

Sinu meda pendiau pengidup tudah nembiak sekula ti diau di pesisir, tudah ti enda bemalam ba asrama, pagi lemai seruran mansa jalai bedebu tauka jalai luchak. Nasib meh nya kena pansa jalai batang, jalai ladang tauka jalai besai taja pan, bedebu di banding ka bejalai kaki ngelayang sungai neresa babas tauka kebun getah enggau dandang umai.

Kelia kala ngasai idup di menua pesisir agi ba "primary one - six", nurun sekula ngena selipar tepik, tanchut kumbai tanchut pin, buk palit ngena minyak chap tancho, baju burak nyadi kuning pama datai bulan 6, tang nasib sekula semak rumah panjai, bisi bala menyadi bebasu ka kengka anak gari selambar dua.

Lebuh aku ke mindah bulan dulu nyin kemari, tepansa ka bala anak sekula nepan hilux, ari jauh berati ka sida betutup ka idung tudah laban ti bentudi enggau trak. Udah hilux ngelih trak, gaga meh tudah nembiak lebih agi nyau betambah gaga sida iya tepeda ka aku kiting-kiting megai camera nuju ngagai sida. Negi ka jari tanda "Peace" ukai sekali ukai dua kali tang amat suah.

Sinu meda sida, nyau teringat ga ka nasib bala budak diri, puji Tuhan, udah bisi nyamai mimit ari bala tudah sida nya tadi. Ari nya aku lalu nagang driver, anang ngelih Hilux , sinu ka sida nembiak kena debu, semadi hilux nya ngetu baru tau ngelih.

Arap ka bala nembiak tu mujur ba sekula, kena ngubah nasib pengidup sida iya empu jemah ila


Jalai semampai luchak ba musim ujan


Penjauh di lawa 30 KM tang pejalai kami sebuat lebih 3 jam, entah ni meh maya penyamai enggau penyenang ulih di asai ka mensia mayuh ti diau ngelinggi menua nya.


7 comments:

free Sarawak said...

kini ke duit ari bumi Sarawak selama tu? abis kena ba kl enggau malaya, teda diberi ngagai Sarawak a.k.a taib.....duit ari Sarawak tang sampai diatu jalai nadai, api nadai, ai nadai....agi ngena generator, ngena perau etc..sapa ka terbeli 4wd ulih meh idup, bala ka kurang, keni ka idup?

bala menteri nyebut pemangsang, nama pemangsang? ukai sida diau ba menua pesisir.diau ba pasar. enda kasih ka bangsa diri empu

Uchu Keling said...

Nama nadai beri BN budget bala kita di Kanowit dia, tuai?

Apaienduq said...

Haaa FreeS, sama meh tanya kitai tu, bela nadai nemu saut ti semetak.

UK, semua menua bisi nerima budget, tang enda sebaka pemayuh. Gambar nya Jalai Bakong-Lapok, maya ujan luchak kin kia, maya panas buk baka udah chuk kuning tudah ba belakang 4wd

kulatmalam said...

Oh apai Endu,
Enti nitihka information ke diberi nuan nya, tekenyit bendar aku ninga laban nadai ngadang sekula tak udu jai baka nya.Baka ke selalu dibacha ba suratkabar, suah ga pengari kita empekak madah menua kitai udah maju, udah mansang,udah berubah.Perasa amat kami tu apai endu.Nya alai aku minta Apai Endu mai pekara tu ngagai sida ke bekuasa enggau gambar - gambar ngichaka sida ulih ngubah pendiau bala nembiak ba sekula ti disebut nuan nya ke lebih agi awakka sama -sama ampit dalam mini budget tu tadi.
Bring up the issues to the proper channel.

Apaienduq said...

KMalam, ha ha ha, sekeda sekula di menua pesisir sigi amat jai, Qtrs sida Cigu mayuh mega enda agi sesuai alai sida diau - mit, udah tuai tambah enda di maintain. Nasib diatu 24 jam generator.

KMalam, utai ba gambar ukai hal sekula tang bala anak sekula ti pulai hari nepan twin cab ba Jalai Lapok di Ulu Baram. Aku enda ingat senentang ni menua nya laban enda kurang ari 4 iti primary school kena pansa.

Sigi patut meh mai penusah ke atas, lebih agi nya nyadi di menua pesisir.

Anak Rassan said...

AE,

3 jam nengah jalai jai penyauh pejalai 30 KM? Udah dikira manah ti bc jalai ditengah.

Nadai budget/enda cukup budget tiap-tiap taun ?

...enda iran ati,.

Apaienduq said...

AR,

engka sigi enda di pasuk dalam annual estimate kini!!!

Panggau Bujang Dara Endu Endun

Menua Apai Indai Aki Ini

Pupu Menua

Pupu Bansa