Temuai

free link to home study courses guide
Online home study courses guide.

Monday, February 2, 2009

Berita Penemuai Kaban ari Kalimantan




Bapak Cornelis, MH Gubernur Kalimantan Barat


Nitih ka berita ti di terima ari Indu Opis SDNU Kuching, Unggal Clarry Sada di Pontianak madah ka Gubernur Bapak Cornelis udah berambu deka nemuai ke Kuching kena 8 - 10 Feb 2009 tu ila. Penemuai iya ukai official, nya alai iya minta bantu SDNU ngatur program sekumbang sida iya di Kuching.

Penemuai sida iya ke Kuching di sadang deka nambah ka pemanah sereta negut ka kaul lebih agi ba pekara main asal Dayak (kebudayaan). Nitih ka penerang ari SDNU, kaul kitai Dayak ari Sarawak enggau Dayak ari Kalimantan sigi udah bisi ngelama tu kenyau ari 2006. Kebuah pia, laban SDNU nyadi ka platform Dayak ari Sarawak, lalu MADN nyadi ka platform Dayak ari Kalimantan ti selalu begulai bekangau sereta nemuai ngagai pangan diri, lebih agi maya ti bisi pengawa ti besai belabuh ari bulan September 2006 nyin suba.

Pun bulan Dec 2008 nyin suba 153 bala MADN betuai ka Gubernur Kalteng, Bapak Agustin Teras Narang mega udah nemuai ke Kuching. Mayuh program di atur ka raban sida iya suba ba Dewan Suarah Kuching enggau ba rumah siku ari Presiden SDNU ti dulu suba kelimpah ari nemuai ngagai endur ti tau meri penemu ke baru.

Bala mayuh di tesau ngulu sekeda pengawa ti deka di atur ka bala temuai ari Pontianak lebih agi maya pengerami Makai Malam kena 8 Feb 2009. Program ke silik pasal penemuai sida ari Kalbar ti betuai ka Bapak Cornelis, tau di pinta ari Opis SDNU 082-570433.


(Note: MADN - Majelis Adat Dayak Nasional Indonesia)



JAKU GERAH: "Berita baru di terima ari Opis SDNU 6/2/2008 @ 11.45am, madah ka penemuai Bapak Cornelis ke Kuching udah di INSUR NGAGAI MAYA BUKAI (ditangguh kepada suatu tarikh yang aku ditentukan kemudian"


3 comments:

kulatmalam said...

Aku berasai gaga sereta temegah ati macha berita ti dipadahka nuan nya.Nya meh pengawa ti patut dipuji.Tang enti ulih aku arap SDNU ulih ngaga documentation pasal pengawa nya awakka ulih ditemu mensia mayuh sereta ulih nyadi ke rekod sejarah dua bengkah menua tu. CD nya tau dijual sereta asil nya tau pulaika fund SDNU.

Apaienduq said...

Terima kasih ka komen nuan kulatmalam, ila meh aku ngenatai ka pesan nuan ngagai SDNU. Besaup mega kitai nyukung SDNU laban naka kediatu, SDNU aja tau nyadi ka platform kitai Dayak duduk betungga, "Begulai, Sejalai & Sepenemu" nuju singkang pemansang nitih ka orang ti udah dulu maju.

Selamat taun baru

Desmond said...

Pengawa Gabenur Apienduq sigi digalakkan :)

Panggau Bujang Dara Endu Endun

Menua Apai Indai Aki Ini

Pupu Menua

Pupu Bansa