Temuai

free link to home study courses guide
Online home study courses guide.

Thursday, March 13, 2008

Pemutus Peresa SPM



Bala nembiak udah mega nemu asil pengeliat, pengeransing, pemagas/pengerajin sereta displin nyediaka diri ngambi peresa sekali ka ba STPM tauka SPM. Bala ti nemu pengelelak diri setimpal enggau pengerajin chukup mega pengaga nerima pemutus peresa lalu terus mega begiga ka chara ngayun ka singkang ke baru awak ka bisi peluang nampung pelajar ngagai utai ke tinggi agi. Bala nembiak ti apin "berwawasan" sereta nemu ngasai ka pemutus ti setimpal enggau "pengerajin" diri, nadai mega berunding ka ayun singkang ke baru.

Pagi 11 Mar 2008 bala nembiak ti ngambi peresa STPM udah nemu pemutus ba sekula diri empu. Lalu kena pagi 12 Mar 2008, bala nemiak ti ngambi SPM mega nerima pemutus peresa. Bala nembiak ti mujur ba peresa, apai indai serta bala sida sebilik tentu mega numpang pengaga sereta ngarap ka nembiak nya ulih nampung pelajar ngagai utai ke tinggi agi.

Ngenatai ka pengaga ati ngagai kita nembiak ti teulih ka pemutus ti "Cemerlang" arap ka kita terus mujur ba pelajar lalu mujur ba pengidup ke jemah ila.



Cherrysca baru nerima slip SPM ari Cikgu Razak seduai Cikgu Rozaiman enggau ati ti kesal bechampur gaga



Cherrysca gaga amat ati begambar enggau apai iya sereta bala pangan iya Norman seduai Mathias pengudah meda slip SPM



Cherrysca ngenatai ka terima kasih ngagai Cikgu Razak



Cherrysca ngenatai ka terima kasih ngagai Cikgu Jasni sereta Cikgu Melinda



Cikgu James Eddie mega nerima terima kasih ari Cherrysca



Cherrysca mega ngenatai ka terima kasih ngagai Pen. Kanan Cikgu Harris Fadilah




Slip SPM Cherrysca




Cherrysca "nyabak" enda alah ngetat ka pengaga ati ngayan ka Slip SPM ngagai indai serta bala menyadi iya ti enda sabar nganti di rumah



12 comments:

Evelyn said...

Congratulations asoh nuan Cherrysca.

Pedih amat ga ka nyebut nama nuan. Manah amai ti nuan bc nama Iban.

Belajar meh bendar agi.

Henry Anak Joseph said...

Kala ke mansa ruai nuan apai enduq nibar ga aku jaku seleka-dua. Tahniah meh ngagai bala anak ke udah bulih pemujur dalam peresa pom 5 ke baru udah dipansut ka kemari.

Arap ka pemujur nya terus betampung belama.

Aku enda muai undi apai enduq, sekalitu laban chalun BN di Selangau menang di darat. Kira ke nadai berani siko meh kami Selangau enggau ngantung nama. Ka pen enda pia jaku. Bisi ga aku ninga bala bejaku ngasuh kami ke pungka lelaki ngerasuk ka kain indu laban kami keno ko sida udah nadai agi telo. Aku nadai komen mayuh laban ngasai semua kami bela kena pangka leka jaku nya.

Kira ka ngundur ka diri dulu laban hari tu majak ujan. Deka muat Kengka buah lada ka dijembi di tanju enggai ka basah.

Selamat betemu baru.

Apai Ujang

Apaienduq said...

OK Evelyn, lagi ngenatai ngagai Cherrysca. Heeee nadai nya pedis sebut deh munyi tu ya "Chihi" ko ini Chemit, Apai Lang, & tuai humah Mehangka. Enti ngumbai bula tanya de Apai Lindaq, hhhhaaa nemu iya deh!!!!!


Ohhh nuan nya tadi neh Apai Ujang, pia meh sekali dua lalu meh nemuai.

Kerembang aja meh jalai, sigi gaya udah repa, nya gaya kitai minta pemansang ari bala Wai Bi.

Berita bukai ila berandau baru

Entayang said...

Well done to Cherrysca..manah amat pemutus peresa..keep it up

God Bless

Apaienduq said...

Oklah Endun Entayang, lagi meh madah ka Cherrysca, arap ka iya bisi peluang ngagai oversea

Henry Anak Joseph said...

Maya ke gawa lelengau bendar deka chuti. Maya ke chuti lelengau ga deka gawa. Puas ka sindau-sindau tepansa ka ruai nuan apai Enduq. Tepeda ka tambak kuchai nuan ba perampan senggang tekait ga ati deka nilik enggau lenak tang enda berasai lalu nuduk ka diri.

Nyapa aku ari ruai nadai ga nuan pansut. Nyangka sigi ngelaun ka diri dani meh pangan kini laban sigi nemu saritu hari chuti. Tang bala kaban tua ke ngintu hari pengada Muhamad pelaba ka aku benong kiruh bepegai ka banner ngelingi nengeri Kuching.

Dua minggu udah ngelebus bekau ka udah bepilih Parlimen enggau Kunsil Negeri di menua Malaya tang kenang mensia bedau pukas.

Pama ga gelombang tsunami ngempas ka tebing lima nengeri di menua Malaya. Sapa nyangka ombak ngemalat nya. Enda ibuh ga di Kelantan sigi disadang tang sapa nyangka di Kedah, Selangor, Perak enggau Pulau Pinang. Langit nadai ga berupai chelum dipeda tang meh pangka ombak di luar jangka.

Puas aku berati sereta bekira, siti ari kabuah laban rayat udah kelalu lama ditekan. Deka ngenatai ka jaku jurai ditagang ga keluar dalam surat khabar tauka dalam seminar. Deka begumpul ga bebala mayuh ba jalai raya ngena chara likun disempur bala polis ga ngena meriam ai bomba laban keno jaku nadai permit disain tuai polis megai menua. Pinta permit ditulak ga mata-mata.


Bah kini ke ngelepas ke serebana ati? Ba peti undi meh rayat ngenatai ka iya. Tang meh di Pulau Pinang dipesalah ka bala sida ti udah alah ga rayat laban keno ko sida rayat sengaja nulak pemansang. Demonstrasi meh sida madah ka kepala menteri ngetu ka DEB. Entah meh apai Enduq, ngumbai diri empu lebih nemu enda ga ku tang ngumbai diri enda nemu utai ulu-ili enggai ga nyadi. Tang ke ditemu aku Perkara 153 Perlembagaan Malaysia ti meri 'keistimewaan Bumiputera' semina Parlimen Malaysia aja tau ngubah. Diatu anang ka parti penyakal enda teubah ka Perlembagaan Malaysia, BN pen nadai kuasa laban enda teulih ka dua-pertiga penyampau wakil ba Dewan Rakyat. Bah bakani ko kepala menteri Pulau Mutiara oleh ngetu ka NEP? Puas aku bekira. Siti aja simpul jaku: orang ka bakatu enda kala berani ngaku diri alah. Nyaalai iya nyalah ka orang bukai. Bah bakani ka 50 taun sida udah nengali kediri pengaya menua?

Pelaba aku apai Enduq, ukai nangka tu empas gelombang tsunami ba pengawa bepilih ka dudi. Ila meh kitai meda enti tinjau aku tu ngelipak ka tisi ba urang ti benung numbuh ka dinasti. Lama ga udah kitai Dayak ngenat ka diri ditekan enda berupai, dinyak chara belalai, diperinsa mar dipeda.

Umbas meh aku empelah enda lama. Deka ngangkat ka diri ari ruai nuan laban deka mandi ke pendai kami di Nanga Selangau endor kami selalu nyabung pasir lebuh maya enda sekula, endor kami berunsut ngena kulit busut muai daki ba seluruh tubuh udah bekau melat ka diri ba tanah liat ngelulu ka diri nyadi soldadu ngetan ka menua.

Pagila-lusa betemu baru bekelakar ka penemu bejurai ka dunya.

Selamat betemu.

Apai Ujang

Apaienduq said...

Apuuu bisi mansa ga nuanneh Apai Ujang. Panjai randau kita betunga Penjurai aku, tak enda mukai mukai aku tu tadi nyau ngabas menua lama din. Laban bisi ninga berita pemansang deka datai pengudah bepilih tu tadi.

Ngarap ka pemansang datai meh kami sida Indaienduq diatu, umai kami duai baru dipeda mesor ga kandung padi, nitik ka tilik manang enda kurang ari 5 pernama engka murai ga padi keno ko jaku diatu graduate ari Universiti enti nadai penanggul.

Apai Ujang, bela mupuk meh kitai nyedia ka diri, lebih agi engka bebeli tsunami nemu ngerekai ke menua kitai. Betesau bepadahmeh kitai awak ka kitai sama betunda udi besaup, anang bisi dulu bisi dudi, be-lak lak ngemata ka pemansang semina nyadi ba menua orang.

Haaaa Apai Ujang, ila berandau baru ga tua, aku ka ngambi ubat dulu, pedis amat rekong tu.

Apaienduq said...

Apuuu bisi mansa ga nuanneh Apai Ujang. Panjai randau kita betunga Penjurai aku, tak enda mukai mukai aku tu tadi nyau ngabas menua lama din. Laban bisi ninga berita pemansang deka datai pengudah bepilih tu tadi.

Ngarap ka pemansang datai meh kami sida Indaienduq diatu, umai kami duai baru dipeda mesor ga kandung padi, nitik ka tilik manang enda kurang ari 5 pernama engka murai ga padi keno ko jaku diatu graduate ari Universiti enti nadai penanggul.

Apai Ujang, bela mupuk meh kitai nyedia ka diri, lebih agi engka bebeli tsunami nemu ngerekai ke menua kitai. Betesau bepadahmeh kitai awak ka kitai sama betunda udi besaup, anang bisi dulu bisi dudi, be-lak lak ngemata ka pemansang semina nyadi ba menua orang.

Haaaa Apai Ujang, ila berandau baru ga tua, aku ka ngambi ubat dulu, pedis amat rekong tu.

Desmond said...

Congrats.... Beli ke ia prize badu ia nyabak. Insentif agai Cherrysca, ila ku spunsar apai Cherrysca makai tengari :)

Apaienduq said...

Apuuuuuuuuuuu bisi nyenguk Des, ha ha ha kada nyamai mee nya udah chelap....tapau !!!

hornbill said...

tahniah ngagai anak nuan serta nuan empu. Manah amat result ia nya...

Apaienduq said...

Terima kasih ka nuan Horbill laban ti bisi mansa Penjurai aku.

Pemutus nembiak mega bisi bepanggai ba kita cigu serta kaul sekula & apai indai.

Terima kasih

Panggau Bujang Dara Endu Endun

Menua Apai Indai Aki Ini

Pupu Menua

Pupu Bansa