Temuai

free link to home study courses guide
Online home study courses guide.

Sunday, October 14, 2007

Ngelansa SDNU udah manggai 51 taun

Ngenatai ka pengaga ati ngagai bala Komiti Besai SDNU, tegal ti udah mupuk begadai gadai ngadu ka pengawa SDNU taja pan mayuh penanggul nuntung sekumbang kita ti mangku pengawa nyadi KOMITI. Belubah meh kita sebuat ngadu ka pengawa asal kita belalau ka undang-undang serta Objectives penumbuh SDNU.

Anang jampat meh ringat ka jaku serabubu ngapa ti kena sekeda orang criticise kita, laban sida ke bejaku nya mina pandai bejaku tang enti di bai kerja iya nya meh mayuh dalih. Kering ka runding serta semengat kita segulai sejalai ngadu ka SDNU.

Tumpu lalu tembu ka pengawa kita siti-siti dulu, laban kita bala komiti ti "VOLUNTEER" magi jam, magi hari, magi tulang serta magi penemu ari kita sebilik ngagai bansa serta menua, kita meh baka ENGINE ti seruran ngayuh ka SDNU, semampai di idup mina di saup siko dua bansa diri empu, ba penemu, ba penyamai, ba peneleba, ba pengiruh lebih agi ba penusah SDNU ke seranta mata duit ringgit kena bejalai ka pengawa.

Kami ke di tisi semampai ngemata serta ngarap ka kita lurus ati ngereja pengawa taja pan siko dua ari kita ngulih ka peluang kena nyabung penguntung diri taja pan ngasai ka diri enda tekereja ka pengawa besaup mai SDNU nuju Objectives ti udah 51 taun di pasuk ba Constitution SDNU.

Kitai ke di tisi ti ukai kaban SDNU asai ke amat landik mayuh penemu bejaku tang tau ngasai ka mega, tua nadai kuasa mantah, milih serta minta pilih seagi tua enda masuk nyadi kaban nitih ka by law SDNU ti di kemendar ka ROS. Anang mega semina berniat ngachau serta ngeruga pejalai SDNU enti kitai takut rugi jam, rugi tulang, rugi penemu serta rugi belanja mantu SDNU ngemansang ka bansa. Nguji meh kitai nagang diri bejaku di dinga bansa bukai, bejai pangan diri, bejai tuai, mantai ka pengelemi bansa diri bejaku di kedai kopi bejaku di kaki lima lebih agi bejaku ba news paper.

Ohhh bala menyadi, bala kaban belayan, bala ibu bala ayak, ti nyadi tuai ba politik, tuai ba opis perintah/kompeni, tuai ba sitak menua, tuai ba pengawa, tuai ba gerempung, tuai rumah panjai, tuai tumpuk pendiau serta tuai bilik. Aram meh kitai sama muka mata sama muka pending nitih ka bansa Melayu "Hormat sama Pemimpin", nitih ka bansa Cina "Sehati" kena nyingkang nuju semua pemansang. Uji kitai berunding panjai enda lama, enti kitai Iban enda bebasa ka Tuai Iban, bansa bukai lebih agi begedi, ngelanyai, ngelesay ka Tuai Iban ba jaku, ba semua pengawa baik ka ba mua tauka ari belakang.

Enti bansa kitai semampai berebut-rebut deka nyadi tuai, nadai ninjau nadai nyeremin diri, nadai ngasai ka singkang diri, sampai ila mega kitai tu ulih di pechah ulih di belah ulih di redak ka sekeda orang ke rindu serta gaga meda bansa kitai ENDA BERAKUP, ENDA SEGULAI ENDA SEJALAI nitih ka penemu orang ke nyadi TUAI kitai ke maya nya. Nyamai mega kitai di pechah di sabung kena nyerara ka bala kitai.

Lalu pia mega ngagai bala kita ti TUAI kitai Iban, enti kita semampai bejai, semampai ngayan mantai ka penyai kitai, nekan bala Tuai kitai Iban bukai, bansa bukai sigi bepuluh kali bejai ngiga chara nudung ngelamun jalai serta enggai meda bala tuai kitai ti baru ka nyumbuk nyadi future leaders ka bansa kitai.

Ngetu meh kita ke TUAI ari diatu mantu bansa bukai nudung, nutup, nagang sekeda bala kitai ti bisi penemu tau mantu ngangkat ka pemansang bansa Iban ba pendiau, pengidup, penyerakup, ekonomi, dagang enggau pelajar. Kebuah pia, kami ke di tisi semampai ngarap ka kita ngamat ka gentaran jaku "SEGULAI SEJALAI" nambah ka gentaran jaku "Agi Idup Agi Ngelaban" ti di kena ngering ka semangat maya ke betempuh ngelaban munsuh dulu kelia.

Enti kita ngamat ka jaku nya, nadai kebuah mega kami ari tisi, bala kaban belayan kitai di ulu sungai jauh di menua pesisir enda nitih ka penemu kita ke manah kena kitai sama ngangkat, ngemansang, nyerakup serta ngering ka bansa Iban, ukai kena ngalah serta ngerampas utai ke patut empu orang.

Ngagai semua kita kaban SDNU, kami ke di tisi ditu, ngarap ka kita enda buta enda rabun serta enda bengar diatu serta maya kita ke milih bagi kaban kita ke patut nyadi TUAI. Kami ngarap ka kita milih orang ke nyadi tuai, ti ngembuan peneleba, pengelandik, leadership quality, committed ngereja pengawa, jauh tinjau, lempung tulang/regas serta di gembar ka enggau pemandai ba pelajar (qualification), awak ka ulih mai SDNU nambah ka singkang pemansang ti udah di engkebang tuai dulu kelia kenyau ari penumbuh iya dalam 1956 suba.

Selamat Nyingkang SDNU !!!!


Sekeda Berita Ayan ba News Paper

Berita ti terubah pansut ba media (18.10.2007) ti ngasuh bala enda lantang ati, ti madah/nuduh SDNU enda begulai enggau perintah. Dalam SDNU semina Mr. Nicholas Bawin ti ukai ari perintah, tang YB Senator Dato Sri Empiang Jabu (PBB/BN), Mr. Patrick Sibat (PRS/BN), Mr. Roland Duncan(Cats Radio) serta bala kaban Komiti bukai endang iya gawa perintah serta kompeni perintah/luar. Ba senentang tu anang meh kitai ngepun/ngulu ka bansa bukai nuduh SDNU ngelaban perintah ketegal siko mensia lalu ngujung ka semua pampang SDNU serta bansa Iban di cap ngelaban perintah kenyau ari 1963 kelia.

Berita pansut ba Borneo Post (19.10.2007) madah ka jaku lalau ari Menteri YB Dato Sri William Mawan ngagai SDNU. Lalau iya tau amat nyadi ka pelasar penguat serta penyerakup SDNU nuju pemansang ngagai taun 2020.


Berita pansut ba Borneo Post (19.10.2007) siku Chairman pampang SADIA madah ka diri empu bedau sedia berebut nyadi President SDNU. Ba undang-undang ROS, semina kaban siti-siti gerempung ti register serta mayar ninting taun aja di beri HAK minta pilih serta tau ngundi enti iya nyadi Delegate ngagai Meeting. Ba senentang Datuk Chairman pampang SADIA tu, arap ka iya mega nyadi kaban SDNU taja pan iya nolak nyadi CALON President.



1 comment:

Desmond said...

Go Anthony Go!! We sukong you from behind!

Panggau Bujang Dara Endu Endun

Menua Apai Indai Aki Ini

Pupu Menua

Pupu Bansa